АШЫҚ САБАҚТАР

📌АШЫҚ САБАҚТАР - білім сапасын арттырудың және кәсіби біліктіліктің нәтижесі
⚜️«Географиялық тәжірибелер» тақырыбында ашық сабақ

7-сыныпта география пәнінен «Географиялық тәжірибелер» тақырыбында ашық сабақ өтті.Ашық сабақты география пәнінің мұғалімі М.Р. Бекова өткізді.

Сабақтың мақсаты – оқушылардың географиялық тәжірибелер арқылы табиғи нысандарды зерттеу, бақылау, талдау және қорытынды жасау дағдыларын қалыптастыру.

Сабақ барысында жағымды психологиялық ахуал қалыптастырылып, оқушылар топтарға бөлініп, бірлескен жұмыс жүргізді. Жеке тапсырмалар орындалып, оқушылар өз білімдерін бекітті.

Практикалық бөлімде топырақтың құрамын анықтауға арналған тәжірибе көрсетіліп, оқушылар тәжірибе нәтижесін бақылап, қорытынды жасады. Осы арқылы теориялық білімдерін практикамен ұштастырды.

Сабаққа мектеп мұғалімдері қатысып, сабақ барысын бақылап, қолданылған әдіс-тәсілдермен танысты. Сабақ соңында кері байланыс жүргізіліп, мұғалімдер арасында ашық сабақ талқыланып, пікірлер мен ұсыныстар айтылды.

Ашық сабақ оқушылардың белсенділігін арттырып, зерттеушілік дағдыларын дамытуға бағытталды. https://www.instagram.com/reel/Ddovf7rMmOF/?utm_source=ig_web_copy_link&vrfl=MzRlODBiNWFlZA==&srtk=MzRlODBiNWFlZA==